El całigo coverse tuto,
magna el mondo
e ne assa smarrii
fin nel profondo.
El całigo confonde,
sustia, sconde,
fa perdar ła via,
te fa sentir disperso
parfin a casa tua.
El całigo riva
co meno ti te ło speti,
dopo un di de sol
dove ti stentavi a tegnir
i oci verti.
Col całigo no ghe xe mape,
segnałi, certeze a aiudarte:
in łu ti te ga da perdarte,
fermarte,
spetar che salga par ritrovarte.
Eco, a mi me par che ła vita
sia lo stesso.
Coremo tanto, de furia,
par che non ghe sia cura
a tuta sta frenesia,
bestia onta e impura.
Ma po d’un trato
qualcossa nasse,
se vardemo intorno:
xe całigo duro e łe domande cresse.
E nel pensar a dove gerimo drio 'ndar
fino a quel momento
gavemo come da rifletar,
ciapar aria,
far rifornimento.
E da soło in mexo al całigo
te ciapa come na gran paura
de no poder uscirne:
par tuta na fregaura.
Eora ti ciapi un respiro profondo:
par roba da mati
ma ti te vardi intorno.
Fioche, ovattae,
in fondo, davanti de ti
ti vedi tante łuci,
e na nova speranza sałe.
Par messe tute ea
par indicarte ła strada,
par dirte de afrontar ea to paura,
ciapar coragio, uscir dal buio
de ła to pianura.
Eora ti ciapi forza
e ti ghe va drio,
ti scominzi un novo camino,
ti traversi ea campagna
e ti rivi fora dal buio,
sora na veta de na limpida montagna.
Ti vardi el całigo ae to spałe
e ti te ło ringrazi
par averte da el morbin
de vegnir fora dal to casin
e de riscoprirte rinovà,
pronto a quel futuro
che doman te spetarà.
ValeZenna
Se ti è piaciuta questa poesia, ti invito a fare un giro su questa pagina per leggerne delle altre. Buona lettura!
Dai un occhio agli ultimi articoli pubblicati:
-
Pagemaster, schermi e fantasia
Stiamo facendo vedere i cartoni giusti ai nostri bambini o stiamo uccidendo per sempre la loro unica fantasia?
-
Dove sono finite le nostre idee?
Siamo bombardati da feticci di idee. Pupazzi che assomigliano a vere intuizioni ma che in realtà non sono altro che la copia di idee di altri.
-
Concerti, accordi e anno nuovo
Ogni musicista deve avere cura del proprio strumento; il direttore non fa altro che ordinare una serie di anime responsabili di sé stesse.
-
Madonna della Salute, palloncini e castradina
Il 21 novembre a Venezia si celebra una delle feste più sentite dai suoi cittadini: la Madonna della Salute. Per i pochi veneziani superstiti resta una ricorrenza a cui si è legati a doppio filo. Il primo filo è appeso alla storia della Basilica della Madonna della Salute. La chiesa fu costruita a partire dal…
-
Baccalà, cura e tradizioni
“Che puzza mamma!” Esclamò la piccola, i grandi occhi azzurri a fissare nello specchio quelli di sua madre. “Eh lo so! Ma solo per qualche giorno, ghe xe el baccalà a mogio!” Rispose lei, una carezza sul viso della figlia curiosa, infastidita ma allo stesso tempo attratta da quella cosa misteriosa ammollata nel secchio. Era…
