Andemo a caccia de ricordi?
Su e zo par i ponti,
tra łe sconte,
tra campi e capiełi
vestiti da Arlechini
tra łe suore e ła Morosini,
tra i sałoni de Całe Cołombo,
San Giacomo, San Poło,
oci curiosi de scoprir
cossa che xe el mondo.
Recite, castagnate,
poesie, canzoni,
verticałi improvisate,
Campieło Albrizzi,
siga, bałoni e
“Ocio! Sta tento ai spuntoni!”
Do pasi a manina
co ea mamma,
do ciacołe dal becher,
un sałudo al forner,
zogar coi bovołeti
nełe fontane dea ruga,
mandar i cocai in fuga.
Montar su ła gondoła
par far traghetto,
sentirse dogaressa
soło par quel tratto.
Andemo a caccia de ricordi?
Ripeschemo ła infansia picinina
de na putea rialtina?
Se ti è piaciuta questa poesia, ti invito a fare un giro su questa pagina per leggerne delle altre. Buona lettura!
Dai un occhio agli ultimi articoli pubblicati:
-
Ciao Natale
Ciao Natale, eccoti qua. Come ogni anno nessuna novità.
-
Arrivederci Venexia mia
Sta tranquiła, questo no xe un adio. Xe più un arivederci.
-
Proverò
Proverò ad accettare le finzioni del mondo con la naturalezza con cui un pomodoro mette in scena i suoi palchi.
-
Scarabocchio
Girando pagina ti ho visto lì, fiorellino disegnato accoccolato all’angolino del secondo capitolo.
-
Basterebbe
Basterebbe lasciare al tempo la soddisfazione di essere sè stesso
Condividi questa poesia
